بروفايل

صوت المدام لتعذيب مليونير نيسان

بوردنج – خاص

كتير سبقوني في الكتابة عن هروب كارلوس غصن رئيس نيسان السابق من اليابان للبنان والمخاطرة اللي عاشها طوال 14 ساعة وهو بيتنقل من سيارة لطيارة ومن مطار لمطار ..كتير اتكلموا عن السيناريوهات الأربعة إما يكون خرج بجواز مزور أو ساعدته مافيا ليها سلطة أو نام في صندوق كمنجة أو اشترى ضباط المطار بفلوسه  . وبعيد عن الكلام دا كله تعالوا معايا   نبص دفيفة على الأحكام اللي المحكمة اليابانية أدانت بيها كارلوس وكمان العقوبات اللي عذبته بيها .

أدانوا كارلوس غصن بأربع إدانات التربح و إخفاء الدخل وعدم الإعلان عن راتبه الحقيقي و استخدام أموال الشركة لأغراض شخصية وعاقبوه بالسجن وبعدين أفرجوا عنه بأربع شروط  مراقبته رقابة لصيقة ورصد منزله بالفيديو وتقييد استخدامه للهاتف والكمبيوتر .. كل دى شروط  ” عادية ” وبتتكرر في كل بلد أما الجديد في الشروط ” عدم الكلام مع زوجته ”

عند الشرط ده لازم يكون لينا وقفة لأنه شرط قاسي جدا وفيه تعذيب زيادة عن اللزوم . حكم جديد مبيتكررش كتير معرفش القاضي الياباني فكر فيه إزاى .

سألت قانونيين كتير ليه منعوا كارلوس من صوت مراته؟ وإيه اتصال المدام بامبراطورية نيسان؟ و يعمل إيه الكلام معاها في قضية تربح هزّت شركة كبيرة ؟ وايه يحصل لو الراجل كلّم مراته تليفون وللا ضحك معاها من بعيد ضحكتين ؟ اللي قال يمكن عارفه حجم ثروته واللي قال يمكن تعرف تخلّصه واللي قال عيلتها كبيره وممكن تظبطه وتهرّبه.

الموضوع في اليابان غريب ..اللي عندنا عادى عندهم تعذيب . ودا اللي حيّرنا وحيّر أهل القانون .

مفيش اختلاف بينا وبين اليابان في الأحكام  إلا في صوت النسوان.. مش عارفين دا بند في القانون الدولي وللا قاضي طوكيو عينه زايغه وعجباه المدام .

الوسوم

مقالات ذات صلة

زر الذهاب إلى الأعلى
إغلاق
إغلاق