بروفايل : غادة أحمد
( الحبّ على كنبه وشمعة نحل ) دى مش رواية بكتبها .. دى حقيقة عاشها الأمير تشارلز أمير ويلز وزوجته الدوقة كاميلا في فندق أدرير أميلال بواحة سيوه .
تجربة حب خاصة جدا لمدة 24 ساعة فقط .. تركا فيها البلاط الملكي والقصور الفارهة واتفقا على الإقامة في فندق صحراوي بلا كهربا ولا هاتف . يناموا على كنبة بلدي وجنب الكنبة ترابيزة خشب عليها شمعة نحل والملابس يعلقوها على مسمار متثبت في الحيطة أما ( الشاور) في حوض ترابي قديم مليان ميّه مالحة .
جميل التغيير جدا ولكن الأجمل منه النقلة الكبيرة من قصر مليان نجف وأبليكات وأنتيكات غالية لغرفة ضلمة فيها شمعة واحدة ومن سرير واسع بملاية حرير ووسادة ناعمة لكنبة بلدي قديمة . تجربة فريدة من نوعها طرافتها مش في الحبّ ولكن في تجديد الحبّ في جو تاني ومكان مختلف .
تشارلز وكاميلا قدما لفندق أدرير أميلال – الواقع على بعد 16 كيلومتراً من واحة سيوة – دعاية تساوى ملايين وتركا حكاية حب استثمرها الفندق صح من 2006 لـ 2020 وأصبح النزلاء رغم مرور 16 سنة في شوق عايزين يعرفوا تفاصيل ” الليلة الضلمة ” في حياة الأمير والدوقة .
هل كانت ليلة عسل بجد . ضحكوا فيها وفرحوا بيها و للا لأ ؟ ناموا إزاى على الكنبة والحيطة تراب . علقوا هدومهم على المسمار إزاى .. راح فين برتوكول الحمام جوه مية الحوض التراب ؟
حكاية أكيد حلوة في ليلة ضلمة .. و الفندق روعة.. كمان الفرحة جميلة بالتجديد
جربوا الفندق ده .. جربوا الحبّ على الكنبه والشمعة وحواليك التراب من كل ناحية والعفرة ماليه وشك . واوووووووووووو أكيد حاجة تجنن .
الفندق .. في سطور
- تم افتتاحه عام 2000
- يقع على بعد 16 كيلومتراً من واحة سيوة
- يبعد 300 كم عن ساحل البحر المتوسط
- فندق رملى يحتوي على 40 غرفة
- غرفة ملكية واحدة مجهزة بحوض استحمام
- تحيط به 7 بحيرات ملحية وأشجار زيتون على امتداد 25 كم.
- 460 جنيها إسترلينيا سعره في الليلة
- جدرانه مصنوعة من الرمال والتراب السيوي
- واحة باردة وسط حرارة الصحراء المصرية
- طرق تقليدية لإعداد الطعام تعتمد على الخضار المقطوف من الحديقة
- أبواب الغرف من خشب الزيتون الممزوج بالتراب السيوي
